తెలంగాణ, బహుజన విప్లవాల భూమి

లేదు కులం . ఉంది బలం 

జాగా అందరిది. ఏ ధర్తీ హమారీ

బహుజనులు అంటే సమాజంలోని మెజారిటీ ప్రజలు అని అర్థం. వారు సంతోషంగా ఉండాలని గౌతమ బుద్ధుడు కాంక్షించాడు. మెజారిటీ ప్రజలు బహుజనులు. అంటే వీరు దాదాపు ఎనభై ఐదు శాతం ఉన్నవారు అని గౌరవ కాన్షీరామ్‌ అన్నారు.

బహుజనులంటే కులం, మతం పేరుతో నేటికీ దేశవ్యాప్తంగా ప్రతి గ్రామంలోనూ అణ్యులుగా  చూడబడుతున్నవారు. భూస్వాముల కబంద హస్తాల్లో నలిగిపోతున్న వారు. పరువు, పలుకుబడి, పవర్, పైసా ఉన్న కుటుంబాలచే అధికారం అనే పదానికి దూరంగా నెట్టివేయబడిన వారు బహుజనులు.  రాజ్యాంగ స్ఫూర్తికి విరుద్ధంగా మైనారిటీలుగా ముద్ర వేయబడుతున్నవారు అంతేగాక నేటికీ పలుప్రాంతాల్లో బహిరంగంగా అంటరానివారుగా చూడబడుతున్నవారు. 

బహుజనుల పురోగతి అంటే దేశ ప్రగతి. బహుజనుల బాధలు అంటే దేశం యొక్క ద్ణుఖం. బహుజనుల సహకారం దేశానికి గర్వకారణం.

ఈ భారతదేశంలో బహుజన ప్రజలు దాదాపు 85 శాతం జనాభాను కలిగి ఉన్నారు. బహుజనులుగా పిలవబడే ఈ ఎస్సీ,ఎస్టీ,బీసి, ఇతర ఉప కులాలు మరియు మతపరమైన మైనారిటీలంతా కలిపి ఏకమైతే, ఈ బహుజనులే తమ కోసం తమ ప్రభుత్వాన్ని ఏర్పరుచుకోగలరు, తమ భవిష్యత్తుని పాలించుకోగలరు. ఇది భారత దేశంలో అతి పెద్ద మార్పుకు నాంది.